Home :: Idee :: Mitmache :: Iträge :: Aktivitäte :: Chöpf
Was isch jorj.ch?
jorj.ch bütet Outdoor-Begeischterte e Plattform, zum uf e unkomplizierti Art anderi Outdöörler kenne z'lerne und Tuure zäme z'undernäh. jorj.ch isch kein Verein im traditionelle Sinn, es git weder Vorstandssitzige, GV no Jahresbiträg. jorj.ch söll kei Konkurrenz zum SAC, de Bergfründe oder andere Sportverein si, sondern e Ergänzig wo uf d'Bedürfnis vo üs Junge zuegschnitte isch.
Wie funktioniert's?
Jede wo e Tuur im Sinn hät, teilt sin Vorschlag per Mailing und Aktivitäte-Forum de Outdöörler mit. Wer mit möchti, mäldet sich, am beschte im Aktivitäte-Forum, so wüssed grad alli wer mitchunnt. Für Transport, Material und Ässe lueget jede sälber.
Uf allne Tuure isch jede für sich sälber verantwortlich, jede mäldet sich nume für Tuure a, wo er gwachse isch. De Tuure-Initiant entscheidet, öb öper mitcho chan oder nöd, schliessli isch's "sini" Tuur wo er möchti gnüsse. Alli Tuure sind nöd-kommerziell, weder de Tuure-Initiant no jorj.ch haftet im Fall vomene Unfall.
Idee oder Aregige?
Alli konstruktive Idee oder Aregige sind sehr willkomme, per E-Mail oder Forum.
